Kaise Rakhen Khud Ko Fit & HEALTHY, Jaanen Ye Tips, Padhen Sirph 2 Minute Mein


New DelhiAaj hamaare paas paisa hai, takaneek hai, sukh-suvidhon ke saare saajosaamaan hain. hum tejee se tarakkee kar rahe hain. magar ek maamale mein hum lagaataar pichhadate ja rahe hain, vah hai sehat ka maamala. aaj khelane-koodane kee umr mein hee bachche un beemaariyon ke shikaar ho rahe hain, jo kabhee budhaape kee beemaaree kaheen jaatee thee. isakee vajah hai, hamaare khaan-paan aur rahan-sahan mein aae badalaav ke kaaran. aaj hamaare paas na to khaane-peene ka koee nishchit samay raha hai, na hee sone-uthane ka. office mein duty overs badal gae hain. kabhee ham tadake taaron kee chhaanv mein office bhaagate hain to kabhee chilachilaatee dhoop mein sadak naapate hain.

aise mein jarooree hai ki sab kaamon ke saath-saath kuchh samay khud apane lie bhee nikaala jae. bhale hee paanch minat khud ke lie nikaalen, lekin samay jaroor nikaalen aur apane shareer ke baare mein sochen ki aap apane shareer se kya kaam le rahe hain aur usake badale shareer ko vaapas kitanee oorja aur aaraam de rahe hain.

Yahaan ham kuchh aisee baaton ko shaamil kar sakate hain, jin par amal kar khud ko ham fit rakh sakate hain-

BODY ko aaraam den

Aaj hamaara sone ka vakt tay nahin hai. der raat sote hain ya phir raat bhar kaam karate hain aur din mein bastar par pasar jaate hain. kudarat ne raat shareer ko aaraam dene ke lie banaee hai, lekin badale jeevan star mein ab usake maayane badal gae hain. aapake shareer ko nishchit aaraam kee jaroorat hai. isalie neend bhale hee kabhee bhee len, lekin shareer ko aaraam jaroor den.

Tanaav ko karen by-by

Kaam ka tanaav aur parivaar kee jarooraton ke kaaran hamaare dimaag mein hamesha kuchh na kuchh chalata rahata hai. yahaan tak ki paark mein tahalate hue ya bistar par aaraam karate hue bhee hamaara dimaag chalaayamaan rahata hai. yah sthiti tanaav ko badhaatee hai. isase blad preshar samet kaee beemaariyon hamen gher letee hain. isalie shareer ke saath-saath dimaag ko bhee aaraam karane ka mauka den.

TASTE par karen control

Jeevan shailee badalane ka sabase bada asar hamaare khaan-paan par hua hai. ekal parivaar hone aur pati-patnee, donon ke kaam par hone ke kaaran pet bharane ke lie ham baajaar par nirbhar ho gae hain. isake alaava veekend par baahar bhojan karana ek phaishan ban gaya hai. khaane-peene kee aadat hamaare shareer ke lie bahut haanikaarak hai. isalie haphte mein kam se kam ek din bhojan na karen, agar kar rahe hain to bahut saada aur halka khaana len.



kaam par den BODY par dhyaan

Office mein kaam karate hue ya ghar par teevee dekhate hue kamar ko seedha rakhen. ophis mein beech-beech mein uthakar shareer ko seedha karen aur haath-pairon ko idhar-udhar ghuma kar shareer ko tanaav mukt karen.

Khud par rakhen vishvaas, na samajhen kamajor
aaj har kaam mein chunautee hai. khud ko saabit karane ya aage badhane ke lie nitane chailenj milate rahate hain. takaneek tejee se badal rahee hai. yuva peedhee tej dimaag ke saath aapako chunautee detee najar aaegee. is chunautee ko sveekaar karate hue kabhee bhee khud ko kamajor na samajhen. dhairy ke saath har haalaat ka saamana karen.

Sakaaraatmak Banen


Tamaam chunautiyon ka saamana karate hue kaee baar niraasha hamen aa gheratee hai. hamen lagata hai ki ab hamaara kuchh nahin ho sakata, ya yah kaam hamase nahin ho sakata. jabaki aisa kuchh nahin hai, jo aap kar nahin sakate. apane aasapaas hansee-khushee ka maahaul banaakar rakhen. kuchh in chhotee-chhotee baaton ko dhyaan mein rakhakar aap aapane jeevan se bada tanaav khatm karake oorjaavaan jeevan jee sakate hain aur aane vaalee peedhee ko bhee ek svasthy jeevan kee disha dikha sakate hain.
Previous
Next Post »