Sridevi: Js Gum Se Gujare the Arjun Kapoor, Ab Jhanvi Ko bhi Shana Padega Wahi Dard

sridevi death in dubai

54 saal ki umar main dil ka dora padane se bollywood ki diggaj abhinetri Sridevi ka nidhan ho gaya hai. ravivaar dophar unaka parthiv sharir Dubai se mumbai laaya jayega. aaj shaam unaka antim sanskar kya jaane ki sambhavna jatayi ja rahi hai. maloom ho ki bhatija aur abhineta mohit marwah ki shaadi attend karne ke lye sridevi pati boney kapoor aur choti beti khushi kapoor ke saath pichhale dino Dubai gyi thi. unaki badi beti jhanvi debut film Dhadak ki shooting main vyast hone ki wajha se cousin bhai ki shaadi main shaamil nahi ho payi thi.


21 varshye janvi Dharma Production ki aane wali film Dhadak se apane films carriers ki shuruaat karne wali hain. marathi film sairat ki hindi remake Dhadak main unaki jodi shahid kapoor ke chote bhai ehsan akhtar ke saath jamne wali hai. pichale kayi month se jhanvi lagaataar film ki shooting kar rahi thi. shashank khaitan ke nirdeshan main ban rahi yah film aane wali 6 july ko realise hogi. lekin beti ki debut film dekhane ke 5 month pahale hee sridevi ne duniya se alvida khe diya. beshak jhanvi ko is baat ka zindagi bhar malaal rahega ki unaki maa beti ki debut film dekh nahi payi.


Kuchh aisa hee 6 saal pahale jhanvi kapoor ke sautele bhai arjun kapoor ke saath hua tha. boney kapoor aur unaki paheli patni MONA kapoor ke bete arjun kapoor ne apane films carriers ki shuruaat may 2012 main film ishaqzaade ke jarye ki thi. halaki, debut se do month pahale march, 2012 main unaki maa mona kapoor ka nidhan ho gaya tha. arjun apane kayi interview main khe chuke hain ki unhe zindagi bhar is baat ka malaal rahega ki unaki maan unhe silver screen par nahi dekh payi.


Maloom ho ki, boney kapoor ne paheli shaadi mona kapoor se saal 1983 main ki thi. bete arjun kapoor aur beti anshula kapoor ke janam ke baad saal 1996 main boney ne mona ko talaak diya. isee saal unhone sridevi ke saath shaadi rachayi thi. boney aur sridevi ki do betiyan hain jhanvi aur khushi kapoor.

Previous
Next Post »