America Ne PAK Ko Phir Lataada, Kaha-Aatankwad Ka Dost, Hamaara Dost Nahin Ho Sakata

Donald Trump
Donald Trump
Aatankwad ko lekar america lagaataar Pakistan par dabaav bana raha hai. white house ne bhee ek baar phir pakistan ko chetaaya hai. white house ke mutaabik america Rashtrapati Donald Trump ne pakistan ko dee jaane vaalee suraksha sahaayata par rok lagaakar yah sandesh dene kee koshish kee ki sahaayata paane vaale aatankwad ko samarthan dekar ya use anadekha karake america ke dost nahin ho sakate.
America kee or se aise sandesh ka lambe samay se intajaar kiya ja raha tha. Trump prashaasan ne pakistan par aarop lagaaya tha ki aatankwad ke khilaaph ladaee mein vah paryaapt kaam nahin kar raha hai, isake saath hee pichhale maheene use dee jaane vaalee kareeb do arab dolar kee suraksha sahaayata par bhee rok laga dee thee.
Trump ke haal ke phaisalon ka havaala dete hue white house ne unakee videsh neeti ka fect sheet mein vistrt byaura dete hue kaha, ‘‘rashtrapati Trump hamaare sahayogiyon ko yah spasht kar rahe hain ki aatank ka samarthan karake, ya use anadekha karake vah america ke mitr nahin ban sakate.’’
Mangalwar ko Trump ke pahale state of the union sambodhan ke baad white house ne fect sheet mein kaha, ‘‘ rashtrapati ne pakistan ko suraksha sahaayata rok dee aur is tarah sahaayata paane vaalon ko sandesh diya ki ham unase yah ummeed karate hain ki vah aatankwad se ladaee mein pooree tarah hamaare saath honge.
Vaheen pakistan ne aatankwad ko samarthan dene ke aaropon se inakaar kiya hai. white house ke mutaabik Trump america kee suraksha ko jo khatare hain un par lagaataar dhyaan denge aur kattarapanthee islaamik aatank aur isakee vichaaradhaara se mukaabala karane aur use haraane ke prayaason ko praathamikata denge.
Previous
Next Post »