Bihar Main Suniyojit Tarike Se Ho Rahe Dange : BJP Saansad C.P. Thakur

BJP Saansad C.P. Thakur

Patna: BJP ke varishth neta bhi mante hain ki bihar main ho rahe dange suniyojit hain. bihar bhajpa ke varishth neta aur rajya sabha saansad Dr. C.P. thakur apne bebaak vichaar ke kaaran jaane jate hain. lekin Dr. thakur pehale bhajpa neta hain jinhone sarvajanik roop se maana ki bihar main suniyojit dhang se shanti ke vatavaran ko bigadhane ka prayaas kiya ja raha hai.

Jaha ek or BJP neta adhikansh jagaho par hinsa ke aarop main giraftaar kiye ja rahe hain vahi Dr. thakur ka sarvajanik roop se bayaan dena party ke anye netaon ke liye pareshani ka kaaran ho sakta hai. shukrawar ko jaari bayaan main C.P. thakur ne kaha ki sampradayik tanaav dukhad hai. unhone kaha ki bihar main asamajik tatvo dwara ashanti phailana ki saazish ki ja rahi hai.

Unhone kaha ki asamajik tatvo ko niyantran main rakhane ko avashyakta hai aur aise logo par avilamb kaaravayi ki jaye. maana jata hai ki apni party ke kendriya netaon dwara mukhyamantri nitish kumar ki aalochana par bhi Dr. thakur ne apni party asahamati jatai hai.

Previous
Next Post »