Bajrangi...Ne Maari Chalang , China box office par pahuchi is Sthaan Par

bajrangi bhaijaan



Mumbai. Salman khan ki film bajrangi bhaijaan ne China ke box office par teen din main sirf 50 crore rupye ke kareeb collection haasil kar logo ko thoda chintit kar dya tha lekin film ne somvaar ko apne position majboot karte hue China ke box office par chautha sthaan haasil kar liya hai.

Kabeer khan nirdeshit film bajrangi bhaijaan jab pichale shukrawar ko China ke box office par utari thi to use waha saatava rank dya gaya tha. somavaar ko is film ne 1.74 millon dollor yaani 14 crore 36 lakh rupye ki kamai ki aur ab film ka kul collection 10.25 millon dollor yaani 66 crore 58 lakh rupye ho gaya hai. film ke collection main pahale din ke anupaat main aayi growth se bajrangi bhaijaan ko teen sthaan upar chadhane ka mauka mila hai. China ke box office par is samay 485 millon dollor ki kamai karane waali ‘Detective Chinatown 2’ pahale sthaan par hai jabaki 456 millon dollor ke saath ‘red sea’ doosare sthaan par hai. teesara sthaan China sarakaar ke samarthan se bani ‘amazing china’ ka hai aur chautha sthaan bajrangi bhaijaan ka hai. halaki itana hote hue bhi salman khan ki bajrangi bhaijaan aamir khan ki dangle aur secret superstar se peeche hee hai. chauthe din dangal ne 5.78 millon dollor yaani 37 crore 23 lakh rupye ki kamai ki thi jabaki secret superstar ne 4.97 millon dollor yaani 31 crore 74 rupye ka collection kiya. salman ka halaki isase pahale China main jalva nahi dekha gaya hai isalie ab aane waale dinon main dekhana hoga ki bajrangi bhaijaan ko aur kitane log dekhate hain.

Previous
Next Post »