Jyada Dhumrapan Karne Se Badh Sakta Hai Behrapan Ka Khatra

Dhumrapan Karne

Smoking karne waale logo ke lye ek buri khabar hai. haal hee main ek shodh main is baat ka daava kiya gaya hai ki jo log smoking karte hain uname behrapan ka Khatra jyada hota hai. nikotin end Tobacco research patrika main prakaashit is adhyan main shodhakartaon ne daava kiya hai ki dhumrapan karne se vyakti ke sunane ki shamata par behad bura asar padata hai. mukhy shodhkarta aur japan ke national center for Global Health and Medicine ke Dr. Juan Huan Hu ne bataaya ki shodh ke parinamo main smoking se behrapan ki samasya hone ko lekar paryaapt pramaan mile hain. aise main is samasya ko taalane ke lye Tobacco ke kam sevan ki behad avashyakta hai.

Shodh main 20-64 saal ke takariban 50 hajaar logo ko shaamil kiya gaya tha. in sabhi logo ko sunane ki shamata se sambandhit koi pareshani nahi thee. shodhakartao ne in sabhi logo ki saalana health report ka vishleshan kiya tatha unaki jeevan shaili se jude prashnon ki ek prashnavali ka baraki se adhyaan kiya. jisake baad takareeban 3500 logo main high frequency jabaki takareeban 1500 logo main low- frequency ka hearing losss ka maamala dekha gaya. shodhakartao ne bataaya ki kisi bhi vyakti main high frequency aur low frequency ka hearing losss ka maamala usake cigrate consumption ke hisaab se badhata hai.

Unhone aage bataaya ki smoking ki wajha se hone waala hearing loss cigrate chodne ke takariban 5 saal baad kam hona suru hota hai. shodh ke lekhak HU, ne bataaya ki ek lambe samay tak bade sample size ke adhyayan ke baad hamaare paas is baat ke paryaapt pramaan uplabdh hain ki smoking karne se sunane ki shamata main kami aati hai. isase pahale ek report main yah baat bhi saamne aayi thee ki dhumrapan se motiyabind ho sakata hai. ek america shodh main yah daava kiya gaya tha ki Tobacco khaane waale logo main motiyabind ki sambhaavnaa kuch jyada hee hoti hai. saath hee saath aise logo ke sampark main rahane waale log bhi isase prabhavita hote hain.

Previous
Next Post »