Mumbai Bengaluru Highway Par Barrier Main Ghusa Tez Raftaar Truck, 17 Ki Maut

Mumbai Bengaluru Highway Par Barrier Main Ghusa Tez Raftaar Truck

West Maharashtra ke satara jile main tuesday subha ek tez raftaar truck ke palat jaane se kayi mahilaon sahit kam se kam 17 mazdooron ki maut ho gayi hai, aur 15 anye zakhmee huye hai. satara ke police adhikshak sandeep patil ne bataaya ki truck main savaar mazadoor karnatak ki bijapur se pune aa rahe the, jab truck driver niyantran kho baitha aur mumbai bengaluru highway par mumbai se lagbhag 250 kilometer door khambatki ghat par lage ek barrier se ja takaraaya, aur palat gaya.

Gaurtalab hai ki khandala tunnel ki kareeb sadak ka yeh hissa angrezee ke akshar S ki akaar main hai, aur ise khatarnak mana jaata hai, kyonki yaha kaafi durghatna ho chuki hai. samachar agency PTI anusaar, police adhikshak sandeep patil ne jankari di ki haadase main 17 logo ki maut ghatnasthal par hi ho gayi thi, aur 15 anye ko chote aayi thi, jinhe khandala police turant hi nazdeeki aspatal main le gayi.

Police adhikshak ki mutabik, durghatna ki sambhavit karano ki jaanch ki ja rahihai, tatha unhe aashanka hai ki driver sambhavat neind puri na hone ke karan truck se niyantran kho baitha tha. shavo ko postmortem ke liy bhej diya gaya hai, aur unaki shinakht ki koshishe jaari hai.

Previous
Next Post »