Confirm, Bharat Main Dikhegi Priyanka Chopra, 10 Saal Baad Salman Khan Ke Saath Aayegi Nazar


salman khan and priyanka chopra

Bollywood actor salman khan ne apani agali film bharat ki shooting shuru kar dee hai. is baat ki jankari hamane aapko kuch waqt pahale hee dee thi, jisake baad ab salman khan ke fans ke lye ek aur good news hai. darasal, film mekars dwaara yahe Confirm kar diya gaya hai ki is film main salman khan ke saath priyanka chopra lead role main nazar aayegi. is film se priyanka bollywood main vaapasi karne waali hain aur salman aur priyanka ek saath lagbhag 10 saal baad saath main screen share karte hue nazar aayege.

Bata de, ali abbas ke nirdeshan main ban rahi is film ki kahani south korea ki film Ode to My Father par aadhaarit hai. halaki, film ki kahani main bollywood audions ko dekhate hue badlaav ki gayi hain. yah ek romantic story hai jisame priyanka aur salman lead role main nazar aayege. gauratalab hai ki, ali aur salman ki ek saath yah 3rd film hai. isase pahale realise hui salman aur ali ki do films box office par hit rahi hain aur is film se bhi fans ko yahi ummeed hai.


Halaaki, film ko lekar aesi bhi khabre hain ki priyanka ke saath-saath katrina kaif bhi is film ka hissa hongi lekin ab tak is par filmmaker dwaara koi khulasa nahi kiya gaya hai. priyanka chopra akhari baar 2016 main film jay gangaajal main nazar aayi thi. isake baad unhone bollywood ka rukh kar liya tha. priyanka, filhal apane hollywood serial quantico ki shooting kar rahi hain aur wahe bhi jald hee is film ki shooting ke lye india lautane waali hain. priyanka is film se lagbhag 2 saal baad bollywood main waapasi karne waali hain.

Previous
Next Post »