Istifa Dene Waale mantri Lal Singh Kathua case ki CBI Janch Ke Lye Nikalenge March


Jammu se Kathua ke beech yah rally

Kathua gang rape or hatya kand ke baad dabaav main mantri pad se istifa dene waale BJP neta Choudhary Lal Singh CBI se maamale ki janch karaane ki maang kar rahe hain. apani isee maang ko lekar lal singh aaj jammu se ek rally nikalenge. lal singh ne maujooda crime branch ki janch ko lekar savaal khade kye hain, jise wahe rally ke dauraan bhi utha sakte hain.

Jammu se Kathua ke beech yah rally safari chowk  se hokar gujaregi aur 85 kilometre ki doori tay karegi, jisame 12 stops honge. bata de ki raajy ki PDP aur BJP ki gathbandhan sarkar main van mantri choudhary lal singh aur udyog mantri chandra prakash ganga ko dabaav ke chalate istifa dena pada tha. chandra prakash ganga bhi BJP se hain.

Dono hee BJP netao ne maamle main aaropio ke samarthan main hindu ekata manch dwaara aayojit rally main hissa liya tha. is rally main aaropiyo ko bachaane ki maang ki gayi thi. PDF sarkar main shaamil BJP ke dono mantriyo ne shukrawar ko istifa diya tha. dono hee gathabandhan sarkar main mantri the. lal singh PDF par Kathua case ko saampradaayik rang dene ka aarop lagaakar hamala kar sakate hain.

Choudhary lal singh ki is rally main mukhy aaropi Sanjhi Ram ki beti sahit maamale ki janch CBI se karaane ki maang rakhane waale log shaamil ho sakate hain. bata den ki Sanjhi Ram ki beti ne somvaar ko kaha ki Kathua case ki janch CBI se karayi jaye aur agar wahe doshi paye jaate hain to unhe fashi ki saja dee jaye.

Isase pahale somvaar ko peedit parivaar dwaara jammu or kashmir se baahar maamale ki sunwai kye jaane ki arjee par supreme court ne sunwai ki. peedita ke parivaar ko dar hai ki nichali adalat main is case ki imaandaari se sunwai nahi hogi aur unhe insaaf nahi milega. isalye unhone supreme court ka bhi darwaja khatkhataya.


Previous
Next Post »