'Tears Of Gratitude' Salman Ne kiya Apne Fans Aur Supporters Ka Dhanyavad, Behen Arpita Ne Bhi Kiya Emotional Post


Salman Khan and Sister

Mumbai. salman khan kala hiran shikar maamale se bel lekar vapas mumbai laut aaye hai aur yeh unke parivaar aur fans ke liye kisi khushkhabri se kam nahi hai. salman ki ghar vapasi se har koi beyhadh khush nazar aa raha hai. aam janata se lekar bollywood celebs bhi salman  ko apna support karne main lage hai. zaahir si baat hai ki salman ki family bhi unhe support karne main koi kami nahi chordh rahi hai.

Haal hi main salman  ki behen arpita khan sharma ne apne social account par salman  ki ek tasveer share ki hai jisake saath unhone beyhadh emotional lines bhi likhi hai. arpita ne likha hai ki salman unki taaqat, kamjori, abhimaan, khushi, zindagi aur puri duniya hai. salman ko support karte huye unhone yeh bhi likha ki jo log salman aur unki success ko handle nahi kar sakte, bhagwan unka bhala kare. yaha padhiye arpita ki puri post-



Salman ne bhi ab apne fans aur supporters ko dhanyavad dete huye tweet kiya hai aur likha hai ki vo unke bahut aabhari hai jinhone un par vishwas kiya aur unke saath bane rahe!

Arpita pure khan parivaar ki laadale hai aur apne bhaiyon ke beyhadh kareeb hai, khaas kar salman ke. jab bhi salman kisi musibat main hote hai arpita vaha unka saath dene hamesha khadhi hoti hai. aadhi raat ko bhi arpita salman ke support ke liye taiyaar rehati hai.

Apko yaad hoga ki pichali baar bhi jab salman hit and run case ki sunavai ke liye adaalat gaye the to arpita unke saath gayi thi. is baar bhi arpita apni behen alvira khan ke saath jodhpur gayi thi.

Salman  bhi apne parivaar ke sukh-dukh main hamesha saath rahe hai. arpita ko unhone hamesha beyhadh pyaar diya aur unhe bahut support bhi kiya hai. salman jald hi arpita ke pati aayush sharma ko apne production tale ban rahi film loveratri main bataur lead actor launch kar rahe hai.

Previous
Next Post »