Chemical Attack UN Main Bhide America, Russia

united nations

Syria main nagariko par ki gaye chemical attack par sanyukt raashtr suraksha parishad ki ek aapaat baithak main america aur Russia apas main bhid gaye. america ne kaha ki Russia ki sarkar ke haath Syria bacho ke khoon se sane hue hain jabki Russia ne hamle ki reports ko fake  bataya. Syria ke dooma main nagariko par chemical attack ke daavo ke baad bulayi gayi aapat baithak main suraksha parishad ke sadasyo aur adhikariyo ne aise hathiyaro ke istemaal ka khatara aam hone par gambhir chinta jatayi.

Unhone kaha ki isase sheet yudh ke khatm hone ke baad se paheli baar vishv shaktiyo ke beech tanaav teji se badh sakta hai. sanyukt raashtr main america ki raajdoot Nikki Haley ne kaha ki wha sabhi hatyao ki tasvire dikha shakti hain taaki suraksha parishad inhe dekhe lekin isase kya hoga ? in hamalo ke lie jimedaar asuro ki koi antaraatma nahi hai , yaha tak ki maare gaye bacho ki tasvire dekhkar bhi unka pathar jaisa dil pighalne nahi. 

Haley ne kaha , Syria bacho ke khoon se sane haatho waali Russia sarkar in peedito ki tasvire se sharmsaar nahi ho shakti. hamne pahale bhi aesi koshish ki thi. hame asad sarkar ke jaanleva vinaash main madad karane ke lie Russia aur iran ki bhoomika ko andekha nahi karana chahiye. Haley ne chetavani dee ki america javaab dega aur महत्वपूर्ण faisla lye jaa rahe hain. 

Isake baad sanyukt raashtr main Russia ke raajdoot Vasilei Nebanjia ne kaha ki isame koI hairaani ki baat nahi hai ki bina jaanch ki jimedaari ka bojh Russia aur iran par daala jha raha hai. unhone kaha ki dooma main sarin ya chlorine ke istemaal ki pushti nahi hui. unhone kaha ki organization for da Prohibition of chemical weapons (OPCW) ke visheshagyo ko turant Damascus jaana chahiye jaha Syria prashasan aur Russia sainik unhe ghatna sthal par le jaane main madad karege aur ve stathi ka nirakshan kare jaisa ki america ke rashtrapati aur anye Western leaders ne kaha hai.

Previous
Next Post »