Release Hua Film Zero Ka Teaser, Salman Ki God Main Nazar Aaye Shahrukh Khan

Zero Movie Teaser Salman Khan


New Delhi: Bollywood ke king khan yaani shahrukh khan ki agami film 'zero' ka teaser aaj (guruvaar) release kar diya gaya hai. is film ka teaser kaafi damdaar hai or romanchak bhi hai. damdaar esliye kyuki isme shahrukh ne alag tarha ki acting ki hai or romanchak esliye kyuki isme Salman khan ki jhalak bhi dikhayi gayi hai. jee haan, film ke teaser main shahrukh ke saath-saath Salman khan ko bhi dikhaya gaya hai. 1 minute 21 seconds ke is teaser ke ant main shahrukh ko Salman apni godi main utha lete hai. 

Is Saal 21 December Ko Release Hogi Film

Bata de, is film ke director Anand L. Rai hai. anand rai isase pehale ranjana, tanu weds manu or tanu weds manu returns jaisi hit filmo ka direction kar chuke hai. shahrukh khan ki film zero saal 2018 main christmas ke mauke par release hogi. isaki release date 21 December final ki gayi hai. yaani pichali baar christmas par jaha Salman khan ne Tiger Jinda Hai ke jariye fans ke dil par raaz kiya to is saal shahrukh ka number hai


Teaser main shahrukh khan ko baune roop main dikhaya gaya hai. bata de, is film main shahrukh khan baune bane huye nazar aayenge or film main unake saath Katrina Kaif or Anushka Sharma bhi lead role main hai. goratalab hai ki isase pehale bhi shahrukh, Katrina or Anushka film jab tak hai jaan main nazar aa chuke hai.
Previous
Next Post »