Delhi: Police or Choro Ke Bich Cross Firing, ASI Ghayal

East Delhi Police

East Delhi ke posh ilaake preet vihar main huye ghatana, chori karne ki koshish kar rahe aaropiyo ko pakadhne ke liye pahunche police
New delhi: East delhi ke posh ilaake preet vihar main police or choro ke bich me cross firing huye. is golibari main police ke ek ASI ghayal ho gaya.

Darasal police ko soochana mili thi ki ilaake ke G block ke ek makaan main kuch chor ghusane ki koshish kar rahe hai. is makaan ke pados ke ek yuvak ne police ko 100 number par soochana di thi. mauke par pahunchane vaki police ko dekh kar badmaash pharaar hone ki koshish karne lage. police ne unka picha kiya to choro ne us par goliyaa chala dei. jawaab main police ne bhi goliyaa daagi.

Is cross firing main preet vihar thaane ke ASI lokesh ghayal ho gaye. unka hospital main ilaaj chal raha hai.
Police ki mustaidi se chor apne mansubo main to kaamyaab nahi huye lekin mauke se pharaar ho gaya. philahaal mauke par pahunche police adhikari ilaake main CCTV  camera ke footage khangaal rahe hai. police ne mauke se ek pistol baramaad ki hai. police ne badmasho ka pata lagane ke liye kaha hai.
Previous
Next Post »