Batti Gul Meter Chalu Trailer: Aasaan Bhasha Main Bijali Ki Pareshani Ko Bayaan Karti Kahaani

shahid kapoor

Shahid kapoor or shraddha kapoor star batti gul meter chalu ke trailer release ho gaya hai. trailer dekh kar lag raha hai ki azaadi ke itane saalo baad bhi bharat main bijali ki samasya vaisi hi bani huyi hai. shahid or shraddha ke saath pyaar ka punchnama main liquid ka kiradaar nibhane vale divyendu sharma bhi gajab ki acting karte dikh rahe hai.



Yami gautam is film main ek vakeel ke roop main najar ayengi. 3 minute ke is trailer main darshako ko kaafi utaar chadhaav dekhane ko milega. trailer main dikhaya gaya hai kis tarha ek factory ke maalik ka ek mahine ka 54 lakh ka bill aata hai. isake baad court kachahari ka maamala shuru hota hai. court room ke scene main yami gautam or shahid kapoor jabardast behas karte dikhayi dete hai.


T-Series or kriarj entertainment mil kar ‘batti gul meter chalu' ko bana rahe hai. film ka first look kaafi shaandaar andaaz main release kiya gaya tha. poster main dikhaya gaya tha ki kabootar bijali ki taaro par baithe hai or keh rahe hai, ”kal raat se batti gul hai. fhir bhi bill sabka full hai.”


Isake alaava shraddha kapoor rajkummar rao ke saath stree main bhi najar aane vali hai. is film ka trailer or gaana haal himain release kiya gaya hai. yah film ek romantic comedy hai. trailer release hone ke baad se hi darshako main is film ka craze badhata ja raha hai. is film ki tagline”is baar mard ko dard hoga” kaafi famous ho rahi hai.

Previous
Next Post »