Punjab : Aam Aadmi Party Main Bagawat, Naraz Vidhayako Ne Punjab Ikaai Ko kiya Svayatt Ghoshit




Bathinda: Sukhpal singh khaira ke netrtv main aam aadmi party ke vidhayako ke ek samuh ne guruvaar ko party ki punjab ikaai ko ‘‘svayatt’’ ghoshit kar diya or isake vartmaan sangathanik dhaanche ko ‘‘bhang’’ kar diya. lekin yaha ek sarvajanik baithak ke dauraan is prastaav ko sweekaar karte huye khaira ne delhi main netrtv ko ek hafte ka samay diya ki unhe punjab main vidhayak dal ke neta padh se hataane ke nirnay ki sameeksha kare. padh se hatayi jane ke baad bholath ke vidhayak ki taraf se bulayi gayi ‘‘karyakartao ki baithak’’ main 20 aap vidhayako main se 8 ne hissa liya. aap netrtv ne punjab ke sabhi vidhayako ko guruvaar ko delhi talab kar sanket diye ki ve ‘‘party virodhi’’ muhim ke saath nahi hai. uname se kam se kam 11 vidhayak rajadhani main netao se milne aaye.


Aap ki rajya ikaai ke seh-adhyaksh balvir singh ne kaha ki bathinda sammelan main hissa lene vale vidhayak evam any netao ko ‘‘gumrah’’ kiya gaya hai or umeed jatayi ki party ko mazboot karne ke liye aane vale dinon main ve party line ka paalan karenge. unhone bayaan jaari kar kaha, ‘‘rajya or kendriya netrtv se salah mashwara kiye bagair aam aadmi party ke banner tale sammelan ka aayojan karna avaidh hai or netao ko bhavishya main is tarha ki gatividhiyo se bachna chahaiye.’’

Previous
Next Post »