Mahila Hockey World Cup: Bhartiye Mahilao Ke Paas Itihaas Rachane Ka Mauka

indian womens hockey team


London: Apne abhiyaan ko dharre par lane ke baad bhartiye mahila hockey team guruvaar ko quarter final muqabale main Ireland ko haraakar 44 saal baad vishv cup semi-final main jagah banane ke iraade se utaregi.
Bharat ne Italy ko playoff match main haraakar quarter final main jagah banayi thi. quarter final main Ireland ko haraane se bhartiye team dusari baar vishv cup ke antim-chaar main pahunch jayegi. bhartiye team isase pehale 1974 main france main huye vishv cup main semi-final main pahunchi thi or tournament main chauthe sthan par rahi thi. argentina ke rosario main pichali baar huye tournament main bharat aathve sthan par raha tha.
Ireland ne pichale 2 muqabalo main bharat ko haraaya tha, lihaaja use manovaigyanik badhat haasil rahegi. Pool-B main Ireland ki team bharat or america jaisi team ke rehate shirsh par rahi thi. Ireland ne yaha pool charan main bharat ko haraane se pehale pichale saal johannesburg main hockey vishv league semi-final main bharat ko 2-1 se shikast di thi.
Duniya ki 16 number ki team Ireland ne america ko 3-1 or bharat ko 1-0 se haraaya tha. bhartiye team ne pool main england or america se 1-1 se draw khela or Ireland se 0-1 se haar gayi. bharat ne abhi tak ekamatr jeet Italy ke khilaaf (3-0) darj ki. is jeet se uska aatmavishvas badha hai. goalkeeper savita ne abhi tak shaandaar pradarshan kiya hai. forward ne Italy ke khilaaf shaandaar pradarshan kiya tha.is bich, din ke dusare quarter final main netherlands ka saamna mezbaan england se hoga.


Previous
Next Post »